殺人唔見血的世界

有老闆走數，唔出糧，仲回公司取走物資，但因為未夠7天，按法例說員工要繼續開工，否則當是曠工，沒有得賠。老闆一早處心積累去騙財，也不是頭一次，但懂得走法律隙，損失的卻不獨是員工，而是出錢俾政府搞欠薪保障基金的普羅巿民。

副學士學生讀了三年，俾左十幾萬，最後發現不獲認可資格。那些學生不是有錢人，個個都要靠幾份Part-time，再捱夜去讀書才有得升學，到頭來不單欠政府一身債，卻發現自己連入職的資格都冇。

健身中心門面靚，國際公司，器材又新，為了買個健康夢，又話一個月百幾蚊，好多人行入去查詢和了解，結果被人好似犯咁審，斬到一頸血。我有個學生，因為自己有小小肥，結果俾人"騙"左兩千幾。除左罵呢個人傻，有無人會諗下點解呢d公司可以十年八年都仲係到，點解冇人去取締呢d不良商鋪﹖香港唔係有消費者委員會嗎﹖

較早前中央電視台播出香港旅行社同埋商鋪合作，迫國內的無知巿民在港買假貨，香港政府先做小小野，但係那些國內的同胞，可能就用一生的積蓄買一件"手信"給太太或親人，"好彩"的是他們可能現在都未知是假貨。海關和政府部門，永遠都是有投訴才工作。

我有一位朋友做電訊行業，他們靠欺騙，例如忘記幫你cut 單、收唔到你的除消合約通知，就每個月用"正價"去扣你幾百元，她告訴我一個月就因為呢d細數加埋賺過百萬。原因是香港巿民個個為口奔馳，如何能打得通那些永遠無人接聽的熱線電話呢﹖這些問題，有誰會關心和去理會﹖唔通係香港政府﹖抑或是我們的律政司長黃仁龍﹖

寶藥黨騙財最多都係幾十萬，大家都覺得佢地要拉，但有誰覺得要拉上述的無良大企業﹖

我自己都算係半個教育人，最使人心痛的是我們的教育，九年免費教育好像好好，但我多年的觀察是我們的年青人一代比一代差，現在我看見的年青人給我的感覺是末期癌症一般好難幫，我只能用一句說話形容：痛心疾首。

我們的財政司派糖，但卻沒有在教育上有什麼建議。十二年免費教育，看似是一個好提議，但連我們的專上教育副學士都搞成咁，當我知道香港的高官送子女去國際學校，我仍能叫我的子女接受香港的教育嗎﹖

中文大學校長頒個名譽博士學位給老董，現在換來政協委員的身份。這就是我們的香港這個社會的現實，讀書讀咁多，惟利是圖，就是我們現在的教育。

教育唔搞好，其實就係殺人唔見血。

見到有人殺人，但你都唔出聲，你就係同謀。

我們今天咁差，係你同我都有份搞成咁的。