掘蜆記

大海係生命之源，每次去到海灘，又或者有水的地方，好似河流同溪澗，我就會好開心。

特別係當太陽照住d水，流動的水反光，又見到有小魚在當中，我的感覺就好似上帝企左係隔離。

今日同爸爸媽媽工人同阿女去左白石個灘掘蜆，我拿住部相機係咁追蹤阿女個倩影，媽媽同工人就係殊掘蜆，爸爸則揍住阿女，呢個組合真係天衣無縫!

我地去到海灘，一個人都無，一路向海行，就見到地上有好多細細隻的蟹，他們好得意，好似搬屋咁一大堆一齊行，個樣又圓碌碌，我爸仲立即捉左一隻俾阿女玩，阿女個樣就好緊張，好興奮。









阿媽同工人就最緊張掘蜆，因為好似地上執到寶咁，可以有免費海鮮食。

掘蜆都唔係難，只要買個耙，就可以掘，d蜆同泥混在泥及水中，要小心才可以分到蜆出來。有時也又走下位，因為可能俾人掘過，又或者掘極都係好少，又走下位開心d。

我地好專業，帶埋櫈仔坐，阿媽同工人一人一張，我有時候走埋去問阿媽你攰唔攰，不如休息下，其實係我好悶，想去掘下，阿媽就話："你去同女玩啦，我唔攰!"

真係吹漲!

我個工人最勢利，佢係快槍手，一陣掘唔到就走位，成過海灘佢掘左十個八個地方，阿媽就係同一個位不斷咁掘。

阿女就好忙咁幫手搞破壞，佢用縲絲批一"撥"，一大塊泥水就飛左出去阿媽個頭，阿爸就在傍邊叫佢唔好，但係阿女一定要幫手，死都唔係走開。




我就係傍邊踎到好低，希望可以由低角度拍到阿女個靚樣，同時又要好小心阿女的潑泥大法，唔係分分鐘將部成幾千銀的相機報鎖埋。







最搞笑係阿爸帶阿女去洗下手，點知次次阿女都踎低，結果條褲同阿"羅友"就成個濕哂! 越搞越"喎"。
















今日最後有3斤蜆啦，因為太哂，所以唔掘啦。

回家要浸泡那些蜆約一日，明天就會有好正點的炒蜆食啦!

好鮮甜"嫁"!

如果有朋友做環保或化驗的，可否話我知白石d水有幾汚染嗎﹖

日後我有乜事留個記錄在此都好，不過我唔係第一次食架啦，到宜家未死得，應該係慢性的，唔係劇毒。