新搬來的鄰居是基督徒

有位新搬來的鄰居，每次都是按我的門鈴問我借野，原因是我家門口有個十字架。

一開口就說："我見到你門口有個十字架，我都係基督徒....."

其實基督徒呢個身份真係有實用價值的。

我舉幾個例：

如果有返教會，報基督教學校有分加的。

如果是基督徒才可以在基督教機構工作，現在超過一半的學校都是教會的。

如果想結婚，基督徒先可以借到教堂行禮的，(有少數例外)。

如果是基督徒，老闆對你都會好人d，或者會放你返教會團契，唔駛你禮拜日朝早返工。

如果你係基督徒，有教會會藉，可以在教會book 籃球場，打羽毛球，在教會圖書館借書，book 房，你的子女可以返教會主日學。

如果你係基督徒，又窮，可以拿教會的慈惠奉獻 (類似綜援)，解決生活問題，肯定快過拿綜援。

如果你想打籃球，教會有球隊。

如果你個仔吸毒，可以搵牧師幫你問下基督教的戒毒所收唔收，如果阿仔在戒毒所偷走左，牧師又可以出面求下戒毒所再收番。

如果是基督徒，教會可以幫手寫推薦信，如果犯法，教會有律師介紹，如果告入左，教會可以寫求情信。

如果有病，教會可以介紹醫生，如果病死左，可以介紹儐儀館。

總而言之，好處多到你估唔到咁多。

如果你是基督徒，大家就會當對方是"自己友"，做乜都方便d。

你話係唔係呀﹖

回說我的鄰居，其實如果係基督徒，唔係話要同人傳福音咩﹖點解唔係諗："呢家已經信左主，不如我搵第二家人借野，大家將來建立左關係，可以同佢傳福音，等佢將來信主﹖"

鄰居借的只不過是垃圾鏟，家家都有啦。

做基督徒，只不過係搵一下著數啫，無乜唔妥呀﹖

所以日行一善，如果有人再向你傳福音，唔該醒d啦，即刻話："我都覺得近排好似有把聲音同我講，我都想信喎。"

咁你就同佢一齊祈禱，之後就可以加入基督教呢個大家庭啦。

仲有，同你傳福音那位有愛心的基督徒，就會返教會講："感謝主，上帝係又真又活呀! 今日我唔駛三分鐘就使一個人重生得救!"

夠料俾佢在教會講壇上面講一轉"見証"啦。

你 Happy 佢 Happy ，呢d才叫 人人為我，我為人人，大家win win!

p.s. 以上文章，是幫教會做福音預工，記得讚下我。

(本文純屬借題發揮，鄰居並無犯錯，我亦次次借野俾佢的。)