什麼是智慧 (二)

點樣先可以得到智慧﹖

智慧係乜﹖

我覺得呢個問題真係好重要。

係唔係賺到好多錢就係有智慧的人呢﹖

係唔係做消防員，捨己救人就係有智慧呢﹖

係唔係做老師，培育下一代就係有智慧呢﹖

係唔係所有最新的書本雜誌都讀了，就是有智慧呢﹖

其實智慧並唔係講緊邊一種行業，亦唔係結果，亦唔係博士或者碩士，而係在周遭事物中的一種分析力，能夠在亂世中，在無數"擬似專家"中分辨到什麼是對或錯，使人能夠找到一條正確的路去行。

我記得多年前有一位朋友咁講："董建華政府叫你做乜你就相反去做，咁你就會成功。" 佢都有智慧呀! 不過我當時唔知。

在康樂體育中有一個叫身心康盛的理論，英文是WELLNESS，我覺得有些智慧。

意思是人要從六至十個方面去評估自己，惟有各方面中平衡得分，這才叫身心康盛。能夠平衡地去睇自己現時的狀態，其實就會發現自己未必咁差，又或者未必咁好!

有時候我都會自卑，因為看自己沒有看自己合乎中度。

但現時我唔會，因為我嘗試平衡地睇自己，學識鼓勵自己。

最近一位朋友自己跑跑下斷左筋腱，他其它方面他可能好過我，但身體卻沒有我好。其實人人都有自己好的一方面，只是有時候自己選擇唔去睇。

多年前一位朋友咁講：

"後生仔唔駛計較現時的收入，只要你不斷努力，建立自己的專業，到你四十歲的時候就會有人俾錢你駛。"

我現在快四十歲了，我一直都記得呢句話，所以我努力教波，研究訓練的方法，亦有一些人願意捐錢俾我支持我的事工，我覺得佢講的說話是有道理的。

我教左咁多年波，亦開始發覺到一些智慧。

"其實什麼都不難學，最重要的是一份堅持。"

一個窮苦家庭出生的小朋友，他所得的不多，但卻能夠珍惜，並且堅持。窮孩子的成就往往大於有錢的小朋友，因為有錢的孩子多選擇，容易捨難取易。

我在初初教籃球的時候，誤聽人言，以為要多樣化，天天新款，小朋友才會有學習興趣，但現在我更著重培育小朋友的態度，希望他們能夠明白和適應重覆的訓練，並且遂漸將訓練模式化，這樣做減少了許多講解練習的無謂時間，增加了孩子的訓練時間，而重復的訓練亦使孩子可以看見自己的進步。(但要做到這一點不容易!)

過去我以為基督徒就是好，但許多基督徒他們都是得個"講"字，又或者只會為你祈禱。有許多商業公司打著"基督教"的名號，但實際上做的服務差到極，包括一些書局。

有些人以為有愛心的人便是好人，但要留意的是許多有愛心的人都是蠢材。

人要生存，要靠分析能力，香港教育強調的不是分析，而是背誦。但香港人個個送子女去做填鴨，不聞不問。

但願我們能夠有更多人分享智慧，而不是人人急於追最新的手提電話型號、衣著潮流，又或者單單相信報章上那些虛偽高官要員的呼籲。

最後不可不提的是：敬畏耶和華是智慧的開端，聖經中的說話是有真智慧的，但不是人人睇得明。而我呢篇短文，有幾多吹水同係唔係廢話，大家都自己諗諗。

p.s. 身心康盛的八個向度：

1. Social Wellness 社交 - 有朋友
2. Occupational Wellness 工作 - 有份好的工作
3. Spiritual Wellness 精神 - 例如有信仰，有使命
4. Physical Wellness 身體 - 健康
5. Intellectual Wellness 智識 - 識字讀書
6. Emotional Wellness 情緒 - 脾氣好，心情可以開朗
7. Financial Wellness 財政 - 有錢生活
8. Mental Wellness 心理 - 精神健康