較早前同大家講過我要搵一個地方搞私人的籃球訓練場 (約1000尺)。
今天早上我同地產傾完，合適的地方都有，樓底和位置都ok，租金方面當然唔平 (對我來說)。
不過我做得到的原因是，我當交錢去上堂而唔係做一盤生意，所以開業約半年就會結束，之後我水盡糧絕，就會去打番份工，繼續上我人生的路。
人生中最可貴的不是你好成功，而是你試過，做過。
我現在還沒有最後下決定租入廠房的原因是我要知道有多少人會有興趣跟我學打籃球，唔係1對十幾人那種，而係1對1，我甚至可以俾條key個學生，自己一個人去那裏訓練。
我現時的問題不是錢，而是我唔希望浪費了那個場地，我會去 Uwant 等forum post，問下有多少人會有興趣來我的室內場，我會收學費，但我希望按著大家的能力去收費，我希望搞的訓練包括：
教練訓練
戰術位置訓練
不同種類的射波訓練
運球訓練
兒童籃球訓練
體能訓練
另一種形式的訓練不是以次數為單位，而是以人為單位，你成為我的學生，就有十次的訓練，我地會隔一段時間見一兩次，其它時間你自己練。
當然我還會做一些另類的活動，例如約大家一齊來睇波，飲飲啤酒打打邊爐。
現在我還要計算器材的價錢，場地的裝修等。
我還需要一個 Partner ，因為我希望有多些人的意見和提醒自己。
我老婆問我有冇諗過傳福音﹖
我告訴她當我成為張德培後，我就會傳福音，
我相信我不會用我的口去傳福音，我會用我的行動去傳，
當一天你看見一個人的生命改變是因為上帝在掌管在帶領，
你便會相信有神。
