教會的年青人聚會

昨天有好多年青人返教會，大家一起討論金融風暴對自己的影響。

有一位朋友說借了錢給人，結果被人走左數。搵極都搵唔到。(後尾先知係9月份借的)

有朋友說公司會炒人，但自己驚都無用。

有人說老豆收入無影響喎。

有人說連油麻地的果欄都賣少左生果。(他是做有關工作的，凌晨1時要去果欄。)

十一月教會搞一個嘉年華俾深水步的居民，大家討論點搞，有人提議俾份平安他們，不如送些金句咭書籤。

我就話，居民都未必係信徒，有人話會直接飛入垃圾桶。

有人話酒樓中午一時完全唔駛等位，以前爆哂。

有人話放自攜飯盒入公司個雪櫃變左玩俄羅斯方塊，因為人人帶飯返公司，砌極都唔入。

球隊上次練波得返七個人。

我說這幾天早上讀報，覺得多左好人自殺或有關消息，

結束時我們一起為香港人祈禱。

其實有教會番真係幾好，起碼知道下大家的情況，邊個情緒低落，都會有小小微目。

互相關心，就係教會的最大作用。

雖然教會有好多問題，但年青人返教會，能在一個開放的環境下分享，雖然無句句耶穌耶穌，但卻做到自由開放。

多謝我間教會，因為唔係間間會俾年青人自由分享。

希望有更多教會，可以讓年青人分享自己想到的東西，無論看法有多幼稚，都俾個機會他們。

希望我們教會的年青人會珍惜有教會返的一天。

昨日講道講什麼呢﹖

死火，我唔記得左。