我的成就!

食完早餐，睇完報紙，諗住睇下書，阿女就入來啦。

女說：『去街街』

我說：『咁妳去厠所先啦!』

我帶她去厠所坐，為了怕她悶，我"求其"給了一本圖書給她看。(大人都係咁啦，小朋友都應該得。)

我行出去睇書，隔一陣再返入去厠所。，我俾佢本書已經跌左落地，明顯地她不大有興趣。因為本書全部都係字，圖得小小。

我便問她：『爸爸講故仔好唔好!』她說：『好!』

我話：『咁妳快d屙喎!』

我踎在屎塔傍講完一本書，我問：『妳屙左未﹖』

阿女話：『有呀!』

我"裝"入去屎盤，只有一灘"凈"水。

我縐眉說：『妹妹唔乖，爸爸走啦。』

『爸爸出去做睇書，妳自己快d屙，唔係無街街去。』

我在廳中睇書，不久我個印印大嗌，原來阿女由厠所爬左上去洗手盤。

印印好緊張咁叫我俾女用痰罐啦，唔好再坐屎塔啦，佢驚阿女出事 (當時印印要在另一個厠所做清潔)。

我帶阿女出廳，叫佢坐痰罐，佢好乖咁坐，然後話："玩Legco"

我就走去拿左一盒 Legco 俾佢，然後繼續坐在她隔離，看龍應台的新書「目送」。

阿女不斷咁叫『爸爸，爸爸』然後遞一件Legco俾我，我就望住本書伸隻手出去：『係』。

『係』...『係』...『係』...『係』...『係』...『係』.........

我接左20塊 Legco，幫佢拆左20次Legco，而且當中不停咁講：『快d屙啦，唔係唔去街街!』

坐左差不多20分鐘，阿女都無俾我有30秒安靜睇書的機會。

最後我正想放棄，阿女竟然企起身，我一望個痰罐，竟然有一舊好大舊的巨屎。

我嚇左一跳，因為全長有痰罐的直徑咁長! 同大人的一樣樣!

我立即大讚阿女：『真係叻!』

阿女仲立時笑住同埋舉起手指公話：『Very Good!』

我的成就，大家有"目"共睹吧!

之後我當然要履行承諾，帶了女女去行沙田公園。

一個早上便如此玩完了，Oh My God!

p.s. 有做醫生的朋友請幫我睇睇阿女d屎"得唔得"，有冇三罪清安。