美麗可以出賣嗎﹖

張相正唔正點﹖

今天和家人去西貢燒烤，那個地方叫水浪窩，剛好有攝影發燒友來拍人像照，最"正"的是還請了三個模特兒來，我當然眼睛發亮起來，但是可不好讓老婆知。

我借頭借路結果借了女兒來做藉口去"及"女仔，因為阿女未識燒烤，全場都要搵個人跟住佢，所以我便帶了阿女去睇"靚姐姐"，並叫阿女學下佢地擺 Pose。

我沒有刻意去影她的，只不過她們成組人行了過來同我地燒烤的地點都只有十米咁遠的距離，所以我忍唔住都偷偷影番張，心裏面想主要係用來寫網誌，所以大家唔好誤會我老人家特登去影人呀! 都係為左你地啫!

我問阿女，短髮姐姐靚唔靚，她說唔靚，然後我問那個長頭髮的靚唔靚，她說靚。原來連兩歲的小朋友都知道頭髮長長的才是美女呀!

我返回來後忙叫阿女學姐姐擺POSE，你地睇下得唔得﹖

含情脈脈










齊天大聖﹖











高角度﹖可惜唔係低胸衫喎!











梨渦"淺"笑﹖











呢張幾專業!











其實小朋友同大人都一樣，只要帶佢地走多d，看到不同的事物，自然便會對世界產生興趣，學到好多野!

不過我問阿女不如唔好讀書學姐姐做 model ，好唔好﹖佢就話 NO!

估唔到阿女咁"懂事"! (其實佢到現在都好想"返學"，因為佢見到個個小朋友都返學呀!)

這三位模特兒使我想起教會的年青人，到底她們是不是普通人﹖有沒有讀書﹖有沒有返學﹖在模特兒的背後，有沒有"兼職"援交﹖她們要不停地對著鏡頭笑，做不同的 pose，俾三十個男人影，到底心裏面會有什麼想法呢﹖而拍攝中的男人，到底回家看著靚女的相，又會不會想入非非﹖這一連串的問題我都沒有答案。

我看了這三個少女在我們燒烤的地方拍照，一直由開始到我們離開，她們還在被人拍，足足三個小時，不要忘記今天才得十度左右，所以真是唔簡單，也絕不容易。所以我心中也欣賞她們的專業，因為我沒有看見她們發脾氣，在我們離開的時候，她還有笑容。

我們教會中也有很多年青人喜歡攝影，也有很多少女喜歡打扮，或許教會也可以用這種活動來吸引人認識上帝，由一個美麗的少女讓人拍照開始，再請這位女孩子講她的見証，我相信可以吸引好多男性返教會，但他們的心看的是什麼倒沒有什麼保證。

我相信這個 idea 未出街已經會死。

但如果有人同你講韓瑪利來教會講見証，蔡少芬同大家分享，相信人人都會覺得好ok，點解呢﹖

佢地都曾經泳衣示人，點解教會的女仔做模特兒就唔得呢﹖

其實基督徒都係男人，大家都係人啫，愛美是本能呀。

最後講個秘密你知，我們燒了三個多小時，我留意到爺爺抱了妹妹出去好幾次呀!

送多張相俾你地止渴啦，老友記。