女兒的點點愛

尋晚周二我女發現唔見左個波，成＄120澳元架！我都真係激死。事緣佢禮拜一要練波時已經搵唔到，佢話應該係媽媽架車到，但當時媽媽揸左車返工，唔知係咪真係重係車到，當晚佢已忘記了去車上搵。到周二放學才發現車上面根本無波， 猜想禮拜日早上練習完應該是沒有拿回。

我的情緒當然好激動，因為又係咁，周日唔見左到周二晚先發現，仲要話“我肯定拿左番黎！”作為一個老豆真係好有心無力，個波貴係一件事，但無法子教識個女珍惜，有責任感係更大的遺憾。

除此以外，女兒又唔練波，本來應承話會日日練波，佢話今日好攰所以唔想練。我就更加火滖，因為打籃球就一定係辛苦架啦，咁樣不如唔好打啦！

結果我無迫佢，但我又真係好火，所以成晚都黑哂番面。到晚飯時我又問佢點解唔練波，又講番到底佢既promise 係咪唔keep 。重重覆覆，我都好攰又好悶，但又唔想就咁算數。

後來我仲話如果佢唔練就唔好食飯，佢結果死死地氣想去練，我見飯菜都放好哂，就叫佢食完飯先練。

結果佢食完飯都無自己去練，又係要我叫先去。

我既感覺係我不斷迫佢，我自己都好唔想。我認真同佢講：“如果你退出 rep team 我就唔會要求你練，但佢死都話唔肯退出。”

最後阿女都去左練波。

之後佢番入黎仲整左個禮是封，裡面係＄10，佢話送俾我買禮物，其實係想我唔好再嬲。

到夜晚臨睡前又叫我講故事，我就講左個故事話有個爸爸教好想個女打好波，但係個女又經常唔努力，一時又話攰，結果個爸爸有一日突然無再番屋企，但爸爸留左個遺言話如果阿女入到國家隊就會番黎。結果個女一改常態，日日努力，10年之後終於做到國家隊。

但之後爸爸並無番黎。女兒邊哭著邊問媽媽為什麼爸爸沒有回來。媽媽才講出真相，原來爸爸患了絕症，唔想女兒傷心，所以一個人走左，10年前佢已經死左。媽媽話爸爸在天上看見她的成就一定很高興，著女兒不要傷心。

我女兒聽完故事就哭，說她不想爸爸離開。

我看見女兒哭了就說其實故事未完，後來爸爸又番去同女兒一齊，因為女兒感動了上帝，所以讓爸爸復活了。

有時候我看見自己的女兒，真的很無奈又很痛惜，心中不想罵，又不能放下不理。但每次看見女兒因為愛錫爸爸而哭，又或送的小禮物，心中又很感動，真的不想罵她。

我的日子就是這樣過，每一天都有許多激氣的事，也有窩心的事，對我來說，做全職照顧小孩的爸爸，真的很不容易。