錢可以解決到問題嗎﹖

周六晚上我教女兒刷牙，女兒不願意做，搞了十分鐘都仲係到玩，含住牙刷在玩，又吐水又整到件衫濕，我抱起她帶出廳，話妳今晚唔好係到瞓啦，番去嫲嫲屋企瞓。女兒大喊，話肯刷牙。回到洗手間，佢又玩，仲於我忍唔住拿起她的牙刷大力掟在地上，妳唔想刷以後唔好刷，女兒大喊。

接下來的一幕就是媽媽在房間衝出來，又演變成為我與媽媽的對抗。媽媽話我點解咁大聲，點解搞到個女喊。

我回她一句："咁以後我唔教啦，妳教啦。" 結果女兒無刷牙。

周日同媽媽找機會在女兒不在時再傾番，又係勁吵一鑊，媽媽終於同意不應在我教女時插入，我亦同意我要更有耐性，慢慢教。

今天周一早上嫲嫲要同爺爺去醫院，原則上下午會回家。我下午才去教波，所以早上我照顧女兒。十時嫲嫲打電話來說可能要留院，下午六時先番到來。當時我又要教波，就打電話俾鄰居希望她可以幫我在下午照顧女兒，鄰居亦應承幫忙。

我鬆了口氣，繼續教女兒劃劃，並且執捨女兒要用的東西，例如奶粉、尿片、水、玩具、備用衣服等。

十一時，嫲嫲打電話來說醫院話可以走啦，立即會返來，說不用請鄰居照顧。

我眉頭縐一縐，因為剛才已請鄰居幫手，惟有立時再致電鄰居告訴她不用幫忙。我的鄰居很好人的，每次都會送小禮物給女兒。我知道我通知了她，她一定會好好安排買餸等活動在上午做，所以我打電話不用她幫忙時也很不好意思。

但讓嫲嫲照顧，總是較為簡單，我也鬆了一口氣。

十一時十五分，嫲嫲又打電話來，她說爺爺話要去北角睇中醫，叫我車阿女去北角，今晚在北角瞓。

我聽了之後火都黎埋："我話係唔係玩野呀!"

阿女從未去過北角瞓，媽媽亦都會掛住。從未和我商量就這樣做，根本就係過份，明知我剛剛致電了鄰居不用幫忙，就打電話來迫我要"就範"，簡直係要脇。

我當然一口拒絕。我猜這是因為我較早前要求爺爺要執乾凈屋企，罵佢地無教好個女的後果。

剛剛才告訴鄰居不用幫忙，我也不好意思再麻煩鄰居。後來我打了電話給住在附近的姨媽，她同意下午幫我照顧女兒。但姨媽已經七十多歲，幸好家裏有一位菲傭。(但菲傭後天要回菲律賓。)

在嫲嫲打電話給我後，女兒剛剛去完厠所，她未著褲便跑上床，還騙我說"何"了屎，經嫲嫲的"刺激"我已無氣同她講，捉住她大力打在未穿褲的屁股上，女兒"哇"一聲喊了出來。邊個教你講大話架﹖去完厠所又唔沖厠所﹖又唔著褲!

家庭暴力就係咁樣誕生。

我俾錢，可以有人幫我教女嗎﹖可以有人隨時幫我照顧女兒嗎﹖可以叫人幫我去教波嗎﹖

本來有位甲組朋友叫我晚上去睇他打比賽，我都好想去睇，支持一下，但係現實呢﹖

香港人生活就係咁苦。

明天嫲嫲要去醫院覆珍，女兒又要找人照顧，到底找鄰居、姨媽，還是其它人或是自己帶埋佢去番工好呢﹖大家覺得點好呢﹖

或者唔生係幾好的想法。