椎心之痛

每天都會帶女兒去嫲嫲處托管，每天都會由嫲嫲處離開去教波，每一次女兒都會叫爸爸唔好走。

今天中午離開時，女兒要準備午睡，我在床邊同女兒講：爸爸要去做野賺錢買奶奶俾妹妹飲。

今天女兒說：妹妹都要去做野賺錢俾爸爸

我回應說：咁你要多d讀書，第日先可以有野做。妳見唔見爸爸讀好多書﹖妳要唔要讀書﹖

女兒說：要!

當時我心中在想：自己讀咁多書，但係自己的工作也都不能肯定呀! 前路還是茫茫呀。

我看著女兒天真的笑臉，自己則繼續以快樂的聲調說：好啦，依家先去瞓覺，爸爸要返工啦。

然後我大力錫一啖女兒，女兒又錫我一啖。之後我便離開房間去，並開鐵閘準備出門口。

突然我聽到"滋滋"聲，原來是女兒穿上會發聲的"滋滋"拖鞋衝出來，

她喊著咁話："爸爸唔好走。"

我又話："爸爸要返工，妳乖乖瞓覺，瞓完覺爸爸就返來啦。"

女兒又話：我送爸爸去搭"車立"

女身當時拖著我手唔放，所以我無耐地說：咁送到"車立"口就好啦!。

這時候在洗碗的嫲嫲聽見，便又走出來，和囡囡一起送我去搭"車立"。

電梯門打開之後，女兒又講："我送爸爸落樓啦"

我就話："唔好啦，妳著左拖鞋，快d返去瞓啦。"

女兒不情不願，被嫲嫲拖著手，嫲嫲話："同爸爸講 bye bye 啦"

然後女兒才講："Bye bye 爸爸"

我望著女兒的樣子的同時，趕緊按關門制。

在走大堂走出來的時候，天雨濛濛，心頭重重。

我的心在想，到底孩子的將來會點﹖

在今天這個"修橋補路無屍骸，殺人放火金腰帶的社會裏"，自己有能力愛她和讓她好好成長嗎﹖

椎心之痛的原因是：

我沒有把握。